Вытчы тканіну такую
Нашым чароўным дзяўчатам,
Каб яна хвалю марскую
Ім нагадала у свята,
Каб яна добрым узорам
Цешыла сэрца і вочы,
Каб на ёй ясныя зоры
Ззялі, бы ў возеры ноччу,
Каб на уборы каханак
Хлопцы глядзелі з зайздросцю,
Каб іх любілі аддана,
Цешыліся прыгажосцю.
Вытчы ж такую тканіну
Нашым чароўным дзяўчатам,
Нашым любімым жанчынам,
Нашым нявестам багатым!
1954 г.