epub
 
Падключыць
слоўнікі

Канстанцыя Буйло

Рана

О, не кажыце вы, што рана загаілась,

Што меней кроў яе ўжо аблівае:

Хоць слёзаў не відаць, ды енкі не спынілісь;

Хоць часам нават смех на вуснах заіграе, -

 

Глыбокая яна - згаіцца ёй няскора...

Не датыкайцеся ж нябачнымі рукамі,

Бо хоць і змоўк вулкан, застыла лавы мора,

Нутро яго кіпіць гарачымі агнямі!..

 

1914

 




Беларуская Палічка: http://knihi.com