epub
 
Падключыць
слоўнікі

Карусь Каганец

Бацька сыну

Будзь здароў, сынок,

Ды са святкамі

Са святымі бо

Ды калядкамі!

Будзь здароў, сынок,

Будзь ты дужанькі

Дый у працы ж бо

Дый дасужанькі!

Будзь смялявы ты

І рахманенькі,

Прад настаўнікам

Будзь слухмяненькі!

Што сваё, сынок,

Не цурайся жа,

І чужому ж ты

Навучайся жа!

Бо што знацімеш,

То ўсё згодзіцца,

Бо ўсяляк, сынок,

Дый прыходзіцца.

1907 г., Мінск




Беларуская Палічка: http://knihi.com