Калі ў Крамлі ў азораным палацы
З’езд партыі адкрые
Ленінскі ЦК —
Па ўсёй краіне пройдзе гул авацый
І знойдзе водгалас на ўсіх мацерыках.
І ўсе мы шчырымі пачуццямі ўрачыста
Мільярднай арміяй у светлы ўвойдзем зал,
Каб сэрцамі ў кагорце лепшых камуністаў
Магутна праспяваць Інтэрнацыянал.
Як многа мы адчуем гэтай хвіляй,
Як многа струп душэўных згодна зазвініць
Пра ўсё, чым мы жылі і што зрабілі,
Пра ўсё, што мы навечна палюбілі,
Што створым заўтра, каб народам лепей жыць!
*
Партыйны з’езд. З’езд камуністаў-творцаў.
Дзе веліч — ад імя народных сіл.
Дзе голас — гэта заклік ясназорцаў.
Дзе слова — гэта ўзмах магутных крыл.
Калі ў Крамлі ў азораным палацы
Даклад пачнецца ад імя ЦК —
Па ўсёй краіне пройдзе гул авацый
І знойдзе водгалас на ўсіх мацерыках.
І ўсе мы
Шчырымі пачуццямі ўрачыста
Сям’ёю ленінскай у светлы ўвойдзем зал,
Каб сэрцамі ў кагорце лепшых камуністаў
Для новых звонкіх подзвігаў вячыстых
Магутна праспяваць Інтэрнацыянал!
1959