Светлы свет летуценняў...
Дума — свету наказ...
Мудра ўслуханы Ленін
У Бетховена сказ.
За акном, нібы зоркі,
Лісце скідвае сад.
Падмаскоўныя Горкі
Асвятліў лістапад.
Так шчаслівяцца вочы
З той святой чысціні.
Бачу —
позірк прарочы
У далёкія дні.
Голас вейнага скерца...
Люба слухаць дваім...
Чую —
Леніна сэрца
Б'ецца ў сэрцы маім...
Стань жа, дзень мой,
як свята
Аж па ўсёй старане!
Апасіяната
Зноў ідзе да мяне.
Пачуццё не на страту
Зноў прабуе ў агні.
Апасіяната —
Мне на ўсе мае дні!..
Голас чуйны, няспынны —
Струнны, ўдумлівы кліч...
Перад любай Айчынай
Задуменны Ільіч...
Светлы свет летуценняў...
Як наказ адкрыцця...
Мудра слухае Ленін
Урачыстасць жыцця...
1981