Чаму сёння, сонейка,
Ты яшчэ не ўстала?
Чаму хмаркі з дожджыкам
З неба не сагнала?
Не чуваць у садзе
Пчалінага звону.
Апусціў галоўкі
Мак яшчэ зялёны.
Барсік, лепшы сябра мой,
Нешта плюшчыць вочы.
І каток ад прыпечка
Адысці не хоча.
З кім жа я на рэчку
Скокну сёння з вудай?
З кім гуляць на поплаве —
На мураўцы буду?
З кім, скажы, прымераю
Картузок свой новы?
Перад кім прамчуся
На кані лазовым?
1986