...Чапаеўская конніца ў пагоні,
Як спеў маланак — вострыя клінкі.
Ляцяць над стэпам вогненныя коні,
Бягуць прад імі ў страху белякі.
...Грыміць віхура, б’е асілкаў сіла
Нашчэнт — франты памешчыцкіх сынкоў.
У свет легенд —
Будзённы, Варашылаў
Вядуць праз славу шэрагі палкоў.
...А вунь узлёты віцязяў крылатых
Вітае падмаскоўная зіма.
Ірвецца ў бой праслаўлены
Даватар,
І сілы сутрымаць яго няма.
...А вунь гараць чужынцаў эшалоны,
У гуле бітваў Волга і Данец.
Ўстаюць над светам волаты —
Заслонаў,
Матросаў, Смалячкоў і Гаравец.
Мільёнаў незгасальная адвага —
Святое да Радзімы пачуццё.
Крывінкі ад Кастрычніцкага сцяга
У кожнае ўліваюцца жыццё.
Усе шляхі — што перазоў былінны,
Усе шляхі — героям след у след.
Ішлі, ідзём
і будзем несупынна
Ісці ў жыццё дарогамі легенд.
І на зямлі, і там, дзе ў сцюжных зорах
Ракеты і лятуць і палятуць,—
Хай памятае, хто б ні быў ён, вораг,
Якія пакаленні ў нас растуць.
Хай намятае,
што душа ў нас сталь і крэмень,
Што ў бляску славы росцім мы сыноў.
І ў кожным сэрцы —
з мудрай думай Ленін,
І ў кожным сэрцы —
гул ад перуноў.
1984