Гэта ўсё прысвечана табе —
Песня і туга мая апошняя.
І з надзеяй — радасць асцярожная —
Гэта ўсё прысвечана табе.
Дзень за днём, па кропельцы,
з табой
Мы збіралі скарбы шчасця чыстага.
Хай жа яно, светлае, вячыстае,
Застаецца ўсё навек з табой.
А каб свет любіць і за мяне —
Беражы лятункі нашы светлыя.
Не сыходзь са сцежкі запаветнае —
Каб любіць жыццё і за мяне.
Ды яшчэ:
на ўзгорачку зямлі —
Пакладзі не з саду ружы мляныя.
А званкі — нам родныя, палянныя —
Пакладзі на ўзгорачку зямлі...
1975