Якое сонца! —
Глядзіш у радасці:
Як многа ў свеце добрай цеплыні!..
Няўжо вярнуліся юнацтва дні?..
Няўжо яшчэ
і тваёй песні спець,
і твайму саду расці
Якое сонца!..
Якая далеч!
Зямля маёвая
Так кліча звонкай рупнасцю дарог,
Ажно здаецца: ты і сёння б змог
Ісці бясконца
ў нараджэнне захапленняў новае..
Якая далеч!..
Якое шчасце!
Як запаветнае,
Нясеш у ціхім сэрцы смутку пачуццё...
І чуеш: праз усё, усё жыццё
Цябе не пакідае
мір людскі і мара светлая...
Якое шчасце!..
1977