Цішэй! — тут Ленін спіць.
Спыніце крокі.
Няхай нястомны геній адпачне.
Няспынна,
шляхам ясным і шырокім
Ён вёў народы к сонцу і вясне.
Цішэй! Ён спіць.
Але мы добра знаем:
Ільіч жыццё вітае і праз сон.
Ён рады, што ніколі не сціхае
Магутны гул у поступе калон.
Ён рады тым, што кожнаю хвілінай —
Ці працаваў, ці адпачыць прылёг,—
Жыццё заўсёды з ім —
уся Айчына,
Уся планета, вёрсты ўсіх дарог.
Не месца сярод нас трывожнай скрусе,
Я любы воблік сэрцам абдыму...
Мы сёння зноў прыйшлі ад Беларусі,
Каб пакланіцца, роднаму, яму.
Маскоўскі токар. Друг баец з Карэі
І польскі будаўнік.
Адной сям’ёй
Праходзім мы усе ля Маўзалея,
Гатовыя на працу і на бой.
Дзе ступіць крок наш,—
шчасце ў вочы гляне,
Спеў зазвініць вясёлы, малады.
Бо мы — жыццё. Бо мудры Ленін з намі.
На ўсе вякі —
усюды і заўжды!
1951