Як добра зноў адчуць сябе на маршы!
Шынель у скатцы, фляга пры баку.
Прастор вясны
Бадзёрыць песні нашы.
Дзень добры, лес, дзень добры,
кліч «ку-ку»!
Дзе ні ідзём — усюды дома быццам.
І горн салдацкі трубіць на зары
З адною марай — каб раслі пшаніцы,
Каб грукаталі ў полі трактары.
Айчына родная! Жыві і слаўся вечна!
І усім кажы: пад сцягам агнявым —
З вясною, з песняй
І красой сардэчнай
Сыны твае
на маршы веснавым.
1953