З усіх, што ёсць на свеце спраў,
Душой, жыццю адданаю,
Абралі мы сабе, сябры,
Самую складаную.
Вялікіх бітваў акіян
Шумеў прад намі ўспенена,
Калі мы ўсталі, як байцы,
У строй пад сцягам Леніна.
Не баючыся ні пагроз
Варожых, ні напасцяў,
У строй мы сталі, каб стварыць
Свайму народу шчасце.
І вось чаму на ўсіх шляхах,
Што мужнасцю пракладзены,
І цяжка нам, і люба нам,
І столькі славы дадзена.
І вось чаму, святло, і мір,
І маладосць баронячы,
Мы бачым будучынь сваю
Усю ў праменнях сонечных.
1953