Не ў тыя рукі
трапіў чысты звон,
Што ў час бяды народнае вялікай —
Не да змагання, не да славы клікаў,—
Не ў тыя рукі
трапіў чысты звон...
Не ў тыя рукі трапіў востры меч,
Што не аховай велічных парываў,
А грозьбай быў, караў несправядліва...
Не ў тыя рукі
трапіў востры меч!
Не ў тыя рукі трапіў той граніт,
Што не для вечных помнікаў героям,
А для бажніц
з ялейным аналоем —
Павылізаны быў з цярплівых пліт...
Не ў тыя рукі
трапіў той граніт!..
1979