— Што ж, я пайду,
Мой клён-браток,
Скінь мне на памяць
Свой лісток,
Ды не шкадуй,
Найлепшы скінь,—
Той, што ірвецца
Ў неба сінь...
— Што ты ідзеш,
То добра, брат,
Знай, не аглядвайся
Назад,
Ідзі смялей,
Стаў цвёрда крок...
Але нашто табе
Лісток,
Той, што ірвецца
Ў неба сінь?
Нашто ўсё просіш:
Скінь ды скінь?..
Няхай расце лісток,
Няхай
Шуміць, пяе
Пра вольны край,
Дзе ў сінь ірвецца
Не адзін...
А ты — ідзі сабе,
Ідзі...
1961