Навек запомніў аркушык паперы,
Хвалююць словы праз усе гады:
«Рэкамендую — ўпэўнены і веру:
Ён будзе верны партыі заўжды!»
На полі бою, на шляху агністым,
Дзе вал каціўся грозны да Масквы,
Так блаславіў
на званне камуніста
Мяне старэйшы сябра баявы.
Не раз пасля — у дні вайны і міру —
Рэкамендаваў паплечнікаў і я,
І шчасны быў, калі прымала шчыра
Іх у свой шэраг партыя мая.
І, каб сказаць пра веры сваёй меру,—
Як і мой сябра ў грозныя гады,
Пісаў я цвёрда:
«Упэўнены і веру:
Ён будзе верны партыі заўжды!»
1980