Сягоння ўранку
заспявалі горны,
Чырванагальштучны збіраюць збор...
О мой азёрны,
Дзень жыцця мой непаўторны,
У смолках бераг
І ў суніцах смольны бор!
Праз цэлы век —
у цішыню, ў спакой імкнуўся,
А тут — жадання сэрца не таю:
Спявайце, горны,
хоць і ўсе вы, горны Беларусі,
Будзіце заспакоенасць маю.
Бярыце ўсё: утульнасць, слодыч цішы...
Адно пакіну для жыцця свайго:
Каб — між юнацтва анідзе не лішні —
Заўжды патрэбным чуўся для яго...