На рубяжах, на дарогах,
На пожнях, на нівах родных
Нас падняла трывога
І паставіла ў строй паходны.
Там, дзе пілсудчык гадамі
Свае будаваў кардоны,
Мы праняслі з баямі
Сцяг вызвалення чырвоны.
Зямля Беларусі з усходу
Да сіняга Буга — па праву
Воляй і славай парода
Ўз’яднана ў адну дзяржаву.
Дзе злыбяда векавая
Не сыходзіла з вузкай палоскі,—
Сёння багаццем па краю
Калгасныя славяцца вёскі.
Ля Нёмана, каля Шчары,
У нарачанскай старонцы,
Збыліся адвечныя мары,
Мары пра вольнае сонца.
На рубяжах, на дарогах,
На пожпях, на нівах родных
Пранеслі мы сцяг перамогі
Строем святочным, паходным!
1946