Я б хацеў,
Каб над ціхай маёю магілай
Прагрымелі тры залпы,
Тры, не болей.
Першы залп — хай засведчыць,
Што быў я з зямелькаю мілай
І ў лятунку,
І ў шчасці,
І ў болю.
Хай другі залп згадае
Пакутную казку,
Што жыла ва мне верай —
Пра адданасць у свеце.
А што верна і шчыра
Пранёс да людзей сваю ласку —
Хай адзначыць
Залп трэці.
Тры ўрачыстыя залпы —
Як тры мае мары,
Што вялі праз жыццё
І давалі сілы і крылы:
Адна —
гэта бачыць лю**быя краю абшары,
А другая —
мець добрага друга,
А трэцяя —
чуць
родны голас
каля магілы.
1963