Усім, хто ў дарогу едзе,
Хто блізкі і родны нам,
Сваім землякам, суседзям,
Сяброўкам і дружбакам,
Хто думкай і сэрцам шчыра
Імкнецца ў бязмежны час,
Сёння на развітанне
Гэткі даём наказ:
— Не забывайце нас
На землях Сібіры, Алтая,
Там, каля Сыр-Дар’і,
Будзеце вы, мы знаем,
У добрай, сваёй сям’і.
І ўсё ж, калі цяжка стане
Вам на якой пары,
Згадайце, што ёсць на свеце
Верныя ў вас сябры.
Тыя, з якімі разам
У ранак юнацтва ішлі,
І першы смутак спазналі,
І першую радасць знайшлі,
З якімі ўслаўлялі працай
Родны завод ці калгас,—
Згадайце пра нас, гукніце,—
І мы падтрымаем вас!
Няхай дзесь на новых месцах,
Дзе ласкі чакае стэп,
Няхай вам жывецца шчасна,
Хай будзе салодкі ваш хлеб,
Няхай ураджайныя нівы
На ўсіх устаюць палях!
А зараз — яшчэ вам жадаем
Шчасця ў далёкі шлях.
1954