Сказалі мне думы
Многіх людзей,
Што сёння жывуць
Як адна сям’я,
Сказалі словамі
Лепшых надзей,
І гэта
Запомніў я:
— Каб Леніна ўславіць,
Трэба мець
Сэрца такое,
Як ён меў.
І любіць чалавека
Патрэбна ўмець
Так,
Як Ленін умеў.
Ніхто, ніхто
Яшчэ не здабыў
Любасці гэткай,
Хоць прагнуў здабыць,—
Толькі адзін
Ленін быў,
І толькі ён
Мог ім быць.
І вось чаму свет
Па крупінцы сабраў
І сілы,
І таленты
Ў любасць адну —
Хаця б у мільярдах
Пачуццяў і спраў
Леніна ўславіць
І дасягнуць.
І я,
Між усімі
Баец радавы,
Таксама
Да Леніна
Шчыра іду.
І гэтыя словы —
Дазволіце вы —
У родны вянок
Ільічу пакладу.
*
Для сівога настаўніка — Ленін,
І для мужнага воіна — Ленін,
Для вясёлага школьніка — Ленін,
І для хлопчыка з зорачкай — Ленін.
Ленін — трохі суровы і строгі,
Ленін — стомлены з доўгай дарогі,
Ленін — з усмешкай, з ціхім спакоем,
Ленін — з думай пра шчасце людское.
Свету вялікаму —
нельга без Леніна,
Нельга без Леніна —
крыўдна без Леніна,
Крыўдна без Леніна —
горна без Леніна,
Горна без Леніна —
пуста без Леніна,
Ленін — як роўны,
і Ленін — як сонца,
Леніна чуем,
і Ленін — як рэха,
Леніна вучым —
верым і ведаем:
Ленін між намі
і Ленін —
наперадзе!..
1963