І ў радасці з імі раслі мы,
І разам ішлі на бой з імі,
Найлепшымі сынамі Радзімы,
Паўшымі героямі.
У бітвах, у дыме пажараў
Адны ў нас раджаліся мары.
І вось чаму мы ўзаралі
Палі, дзе яны паміралі,
І зерне засеялі дбала,
Каб ніва закрасавала,
Жыта ўзрасло залатое,—
Вечная памяць героям!
Хацелася ім краіну
Багатай бачыць, прыгожай.
І вось чаму па руінах
Спакойна хадзіць мы не можам.
Бетоншчыкі, вучні, цеслі
Пад неба палац узнеслі,
Жыццё ў ім цвіце маладое,—
Вечная слава героям!
Як трэба салдатам, строга
Мы споўнім наказ іх трэці —
На сонечную дарогу
Магутнымі выйдуць іх дзеці.
Мы іх навучым смела
Крочыць пад сцягам славы,
Каб поўнілася, звінела
Сіла Савецкай дзяржавы,
Дзе ў радасці разам раслі мы
І разам ішлі на бой з імі —
Найлепшымі сынамі Радзімы,
Паўшымі героямі.
1947