Зорныя краявіды
Пасеялі ціхі сон.
Ты ведаеш —
Я і сягоння выйду
Паслухаць вячэрні звон.
Адкуль ён сягоння будзе? —
З маленства,
з акопных год?
Ці смехам узарве мае грудзі?
Ці гулам далёкіх нягод?
Ці боль прынясе, ці ўцеху?
Аднаго я хачу, аднаго:
Хай у ім будзе
рэха
Голасу твайго.
Голасу незабыўнага,
Патрэбнага і сягоння мне,
Як ласка
сярдзітых ліўняў
Цёплым палям па вясне;
Голасу непаўторнага,
Што хоць і агнём апячэ,
Ды радасцю
сэрца агорне
І скажа: — Ты любы яшчэ...
1963