Пушчай ідзеш ці пусткаю,
Дома, ў чужой зямлі,
Песня, будзь беларускаю
І пад вясельнай хусткаю
І ў баявым шынялі.
Людзі з вуснаў у вусны
Прымуць, перададуць,
Толькі будзь праўды лустаю,
Толькі сабою будзь.
Хмелю густую брагу,
Белы убор калін,
Сонца ліпнёвых ягад,
Нівы тугі наліў,—
Несла ты сцежкай грузкаю,
Вузкай, без каляін..."
З вогненнай ператрускаю
Выйшла ў свет беларускаю,
Як цябе ні клялі.
1973