Не вельмі цешыць столь
У гэтым новым доме,
Паскардзіцца дазволь
Табе, вясёлы промень!
Ты толькі заляцеў,
Пазалаціўшы вокны,
А крыльцы збіць паспеў
Аб мой паддашак мокры.
Пасля дзвярны праём
Без надужання выкрыў,
Што ўвесь гэты раён
Не макра ён, а мікра.
З акустыкай, маўляў,
Бяда... Хіба магчыма
Вяселле адгуляць,
Адсвяткаваць радзіны!
Да мулярскіх вушэй
Закінь ты слоўца ціха:
— Рабіце столь вышэй,
Лягчэй у доме дыхаць!
Прыспешце часу бег!
Пакінем пад адхонам —
Мікрараёны стрэх
І душ мікрараёны.
1977