Ёсць у нашай краіны
Ад дзён яе раніцы
Дарагія мясціны,
Дзе шапка здымаецца.
І хоць крыгі вякоў
Прайшлі над гарадзішчамі,
У імя ваякоў
Тыя месцы ахрышчаны.
Там народнае гора
Пад жвірам засыпана,
Там падцята пад корань
І панства і прыпанак.
Колькі помніць Палессе,
Гаі нарачанскія...
Дый уся ж ты, як песня,
Зямля партызанская.
О зялёны мой дом,
Падпяразаны рэкамі!
Мы ўсяго не спяём,
Даспяваецца некалі.
1972