epub
 
падключыць
слоўнікі

Марыя Канапніцкая

Каму

З польскай — М. Канапніцкай

 

Тым саху, плуг толькі здаці,

Хто прырос к зямельцы-маці,

Хто загон свой наскрозь знае,

Каго холад не пужае;

Хто радзімых сваіх ніў

Знае час сяўбы і жніў.

 

Таму толькі з бараною

На раллю найсці вясною,

Хто лапцямі топча поле,

Знае гора цвёрдай долі,

Працягнуў хто, як свой брат,

Двое рук да ўбогіх хат.

 

Таму толькі серп і коска,

На начлезе хто за вёскай

Снуе думкі пры агнішчы,

Й вера ў прышлай долі йгрышча,

Каму ў полі труд — закон,

А чужыя з нівы вон!

 

11 ліпеня 1906


11.07.1906

Пераклад: Янка Купала
Тэкст падаецца паводле выдання: Купала Я. Поўны збор твораў. У 9 т. - Т. 1. Вершы, пераклады 1904-1907. Мн., Маст. літ., 1995.-462 c. [4] л. іл.
Крыніца: скан