epub
 
Падключыць
слоўнікі

Марыя Канапніцкая

Сасонка

З польскай — М. Канапніцкай

 

А хто ж, хто сасонку

Гэту ў лесе сеяў?

Ой, засеяў яе ветрык,

Што над хатай вее.

 

А хто ж, хто сасонку

Напаіў вадзіцай?

Ой, паілі яе сытна

Росы і крыніцы.

 

А хто ж, хто сасонку

Грэў у сонным боры?

Агравала яе сонца

З паднебных прастораў.

 

А хто ж, хто сасонку

Выхаваў з зярняці?

Выхавала яе гэта

Наша зямля-маці.

[1921]


[1921]

Пераклад: Янка Купала
Тэкст падаецца паводле выдання: Янка Купала. Поўны збор твораў. У 9 т. - Т. 4. Вершы, пераклады 1915 -1929. - Мн.: Маст. літ., 1997. - 446 с., [4] л. іл.
Крыніца: скан

Беларуская Палічка: https://knihi.com