epub
 
Падключыць
слоўнікі

Міхаіл Лермантаў

Хмары

Хмаркі нябесныя, вечна вандроўныя!

Строем мінаючы стэп лазуровую,

Вы ляціце, па выгнанню мне роўныя,

З мілае поўначы ў далеч паўднёвую.

 

Хто-ж выганяе вас: лёс тут прычынаю?

Злосць відавочная? зайздрасць нячутная?

Альбо цяжар на вас дзеі злачыннае?

Альбо сяброў нагаворы атрутныя?

 

Не, вам абрыдалі нівы няўродныя...

Вы без пакут, без жаданняў лятаеце;

Вечна-халодныя, вечна-свабодныя,

Вы без радзімы й выгнання не знаеце.

 

1840



Пераклад: Пятро Глебка

Беларуская Палічка: http://knihi.com