epub
 
Падключыць
слоўнікі

Міхаіл Лермантаў

І нудна і сумна

І нудна і сумна, няма каму слова сказаць,

Калі ўсе нягоды кладуцца на грудзі...

Жаданні!.. Што толку дарэмна і вечна жадаць?..

Гады ж пралятаюць — іх, лепшых, не будзе!

 

Любіць... ды каго ж?.. а часова — не варта зусім,

Сыходзіць любоў непазбежна.

Душу варухнеш? — не захочацца жыць у былым:

І радасць, і мукі, і ўсё там нікчэмна...

 

Што страсці? — нядоўга ў душы ім кіпець,

Іх слодыч разводзіцца розумам вечным;

Жыццё ж, калі пільна наўкруг паглядзець, —

Такое пустое, як жарт недарэчны...

 

1840



Пераклад: Юрась Свірка

Беларуская Палічка: http://knihi.com