epub
 
Падключыць
слоўнікі

Міхаіл Лермантаў

Ветразь

Бялее ветразь развітальны...

Куды ў смузе блакіту мкне?

Што ў старане ён знойдзе дальняй?

Што ў роднай кінуў старане?

 

А вецер свішча, хваля грае,

І мачта гнецца і рыпіць;

Хіба ён шчасця там шукае?

Хіба ад шчасця прэч бяжыць?

 

Пад ім струмень блакітны льсніцца,

Над ім — бляск хмаркі залатой;

А ён... Ён прагне навальніцы,

Бы ў навальніцах ёсць спакой!



Пераклад: Сяргей Дзяргай

Беларуская Палічка: http://knihi.com