Сустрэліся на дарозе
Спыніліся, каб павітацца
Нехта сказаў, глядзіце
Хутка павінна пачацца
Стаім пасярод дарогі
На неба глядзім з-пад далоні
Неба мяняе колер
Павольна, няўхільна, наўмольна
Сіні, блакітны, белы
Белы, чырвоны, чорны
Мы ўглядаемся ў неба
Неба мяняе колер
Неба мяняе колер
Неба нам шле сыгналы
Мы іх не разумеем
Мы іх не ўспрымаем
Альбо ўспрыняць ня хочам
Альбо зразумець ня можам
Божа, даруй нам гэта
І ўратуй нашых дзетак