epub
 
Падключыць
слоўнікі

Міхась Шушкевіч

Ты мне вясною прыснілася

Летняя ночка купальная

Яснай растаяла знічкаю.

Падаюць зоры світальныя

Ў чыстыя воды крынічныя.

 

Ой ты, дзяўчыначка мілая,

Як жа ты свет упрыгожыла.

Ластаўка ты легкакрылая,

Светлы мой сон растрывожыла.

 

Ты мне вясною прыснілася

Неразгаданымі чарамі,

Сэрца парыўна забілася

Вольнымі крыламі-марамі.

 

Пэўна, цябе, ненаглядная,

Стрэў я часінай удалаю.

Ты мая доля спагадная,

І не шкадую німала я.

 




Беларуская Палічка: http://knihi.com