Мікалай Мароз
Не прасі палёгкі ў жыцця. Кніга прозы
Новая кніга мастацкай прозы Мікалая Мароза "Не прасі палёгкі ў жыцця" - чацвёртая па ліку. Дзве аповесці, якія адкрываюць яе ("Русалка" і "На ўсё свой час") - пра каханне, пра нялёгкія жыццёвыя калізіі галоўных герояў, пра тое, як пакутліва цяжка бывае, калі цябе не разумеюць. Апрача гэтага, чытач знойдзе ў кнізе апавяданні - розныя па задуме, але аднолькава цікавыя. І нарэшце - абразкі, разважанні, мініяцюры, карацелькі, якія пісьменнік пісаў у розныя гады і якім стае шчырасці, у іх пульсуе жыццё, у іх жыве любоў да людзей, да прыгожага і светлага.
/
