epub
 
Падключыць
слоўнікі

Пэрсі Біш Шэлі

Філасофія кахання

У крынічак повязь з ручаямі.

А ручаі бягуць далей.

Вятры страчаюцца з вятрамі

Каб як абняцца найхутчэй.

 

Усё паўсюль стае адзіным -

Так сам Гасподзь размеркаваў.

Каб тая добрая гадзіна,

Я б у самоце не блукаў.

 

Глянь, як цалуюць горы неба.

І хвалі ў пене вымываюць твар.

Яшчэ і кветачкі ўбачыць трэба -

Іх столькі закаханых пар!

 

Халодны месяц лашчыць хвалі аж да рання,

І сонейка зямлю пяшчотна грэе.

Ды што тут мне да іхняга кахання

Калі чакаеш не мяне! - нарэшце разумею.

 



Пераклад: Алена Таболіч

Беларуская Палічка: http://knihi.com