БЕЛАРУСКАЯ ПАЛІЧКА

Пімен Панчанка

"А страціць годнасць — невыносна..."

* * *

А страціць годнасць — невыносна,

Які б ні быў там дабрадзей...

Глядзіце знізу ўверх на сосны,

На воблакі.

Не на людзей.

 

А калі вас уздыме слава,

Аб гэтым думайце радзей...

Глядзіце зверху ўніз на травы

Ці на ваду.

Не на людзей.

1975

1975

---

Тэкст падаецца паводле выдання: Панчанка П. Збор твораў: У 4-х т. Т. 3. Вершы 1963-1981 гг. - Мн.: Маст. літ., 1982. - 351 с.
Крыніца: скан