epub
 
падключыць
слоўнікі

Пімен Панчанка

Даты

Што даты? Гэта толькі вехі

Гісторыі.

А для салдат,

Чые навек закрыты вейкі,

Няма ўжо дат, ніякіх дат.

 

За рысай той — маўкліва, пуста,

І на дарогах крыжавых

Узводзім помнікі і бюсты

Мы не для іх, а для жывых.

 

І для дзяцей, каб не зблудзілі

У гушчары нікчэмных дат.

Каб памяць песні нарадзіла

Аб неўміручасці салдат.

1973


1973

Тэкст падаецца паводле выдання: Панчанка П. Збор твораў: У 4-х т. Т. 3. Вершы 1963-1981 гг. - Мн.: Маст. літ., 1982. - 351 с.
Крыніца: скан