Мы ходзім пад прыцэлам
Амерыканскіх ракет,
Амерыканцы ходзяць
Пад прыцэлам нашых ракет —
І гэта называецца —
Пасляваенны свет.
У Пентагоне
Сядзіць вар’ят на вар’яце.
І гэта называецца —
Мір у палепшаным варыянце.
Буду радавацца турбінам,
Футбольнаму голу
І тарфяному брыкету,
Буду славіць касмічныя палёты,
Фестывалі і форумы,
Дружбу паміж людзьмі,
Але пакуль чалавецтва
Ходзіць пад нацэленымі ракетамі,
Першае слова,
Якому трэба вучыць
Дзяцей і прэзідэнтаў,—
МІР!
1963