epub
 
падключыць
слоўнікі

Пімен Панчанка

"Наніжы на нітачку каралі..." (Тані)

* * *

 

Наніжы на нітачку каралі

З ягад падмарожаных рабін.

Слоўцам ні адным не дакараюць

За тваё жыццё дачка і сын.

 

Хай сабе там нешта не ўдалося,—

А па-чалавечы ты жыла...

У касу тваю і гэта восень

Срэбнай павуцінкі не ўпляла.

1976


1976

Тэкст падаецца паводле выдання: Панчанка П. Збор твораў: У 4-х т. Т. 3. Вершы 1963-1981 гг. - Мн.: Маст. літ., 1982. - 351 с.
Крыніца: скан