Галандыя ці Турцыя —
Даруйце прастаку —
Усюды прастытуцыя,
Усюды прастыту...
Жаночая, мужчынская,
Паўзучая змяя,
Бязвусая, маршчыністая,
Нават лесбія...
Аўфвідэрзэйн, Германія!
Круці вінты, карма.
І ў Кілі наркаманія,
І ўсюды наркама...
І ў старамодным Лондане,
Што ад дажджу распух,
Як лоўля рыб падлёдная —
Туманная распу...
Туга людзей прыціснула,
Ідзі і пратэстуй.
А слабака стрыптызная
Захопіць прастыту...
Гэй, хіпі, хіпі, хіпі,
Калматыя пратэсты...
А свет не толькі гібель,
А свет яшчэ братэрства,
А свет яшчэ змаганне
З няпраўдаю, з багамі,
Дык трэба быць з мазгамі
Пад дзікай валаснёй.
1972