Галоўны Захавальнік Часу
Падарыў чалавецтву секунду,
Кожнаму з нас па секундзе —
Тры з паловай мільярды секундаў,
Больш як дзевяць гадоў жыцця.
Колькі можна пасеяць зерня
За секунду.
Крылатыя д’яблы
Тоны смерці паспеюць скінуць
На дзяцей.
А грудзі салдата
Чалавецтва прыкрыюць ад смерці
За секунду.
Адну секунду.
Тры з паловай мільярда секундаў
Больш як дзевяць гадоў жыцця,
Як шкада, што многія з нас
Не заўважылі гэтай секунды.
1972