Ідзе вясёлы продаж.
Сам выбірай, бяры
Садоў і агародаў
Духмяныя дары.
Сябе хваліла лета
І верасня-суседа,
Ад паху тут званілі
Пчаліныя званы.
Капуста, памідоры
І сопкай бульбы горы,
А кут запаланілі
Цяжкія кавуны.
Цыбуляй залацела,
Грыбамі на шнурочку,
Са слоікаў глядзела
Зялёным агурочкам;
Арэхамі звінела
І пахла часнаком
І яблыкамі спелымі
З бурштынавым бачком...
Машыны ўсё падвозяць
Мядовы пах густы.
Прыйшла ў наш горад восень
На лапках залатых.
1974