Ёсць праца — ад яе не збочыць,
Як не хавайся ў хатцы.
І хоць палохаюцца вочы,
А рукі ўсё ж у працы.
Вясна прыйшла. Усе мы рады,
Бярэм рыдлёўку ў рукі.—
А-яй! О-ёй! Якія грады!
Калі ж дасі ім рады?
Ускопваеш і рук не чуеш,
Ў сярэдзіне ламóта.
І ўсё-ткі на зямельцы днюеш
Да сёмага аж поту.
У восень на стале не пуста,
Для ўцехі ёсць прычына —
Ай бурачкі! Ай ды капуста!
І бульбачка, і хлеба луста —
Які я малайчына!