Я не прыдумаў новых
слоў такіх,
(Не кожны можа звацца майстрам слова)
Звярнуў увагу каб чытач на іх
І захацеў бы прачытаць нанова.
Мяне і ў іншым
не заўважыў Бог,
А гэта для любога творца дрэнна —
Й вядомых слоў я прыручыць не змог,
Хаця да іх — з павагаю нязменна.
Да мовы нашай і
да слоў любоў,
Мой лёс, а не прынука —
Вершапраца.
Я слоўмі ад зямлі і ад бацькоў
І карыстаўся й буду карыстацца.