Першы нацыянальны скарб —
родная мова
Змітрок Бядуля
Галоўны скарб нацыянальны — наша мова,
Матулі роднай мова й роднае зямлі.
І над табою, Беларусь, невыпадкова
Штогод з асобым болем плачуць жураўлі.
Не, не таму іх плач падобны на памінкі,
Што іх з Радзімы гоніць хуткая зіма,
А ад таго, што мовай цешацца адзінкі,
А вось дзяржавы сярод іх, на жаль, няма.
Заўжды цаніў каштоўнасць самых розных моў я,
Ды беларускай — найвышэйшая цана.
Ў дзяржаве можа быць двухмоўе ці стомоўе,
А мова ўсё ж нацыянальная адна!