Свіння была звычайнаю свіннёй,
Але да той пары,
Пакуль не скончыла свінфак
На свінаферме
І не займела ў рэшце рэшт дыплом.
Цяпер яна свой лыч ад свінства верне
І на сябровак, што ў гразі ляжаць,
Рох-рохне:
— Як вас можна паважаць?
Ваш знешні выгляд
Ў гэтым брудзе гіне
Вы — форменныя свінні.
Звярніце на мяне увагу,
Вам бы цяпер вучыцца ад мяне,
Я проста так у гразь не лягу,
Не!
Бо я ў навуцы свінскай маю толк —
Я, перад тым, як легчы ў гразь,
У лужыну, ў равок,
Кладу дыплом пад бок.—
І — плюх! — адукаваная свіння
На свой дыплом, у гразь,
Ляжыць у ёй па вушы —
І так штодня.
_________
Калі ў мазгах скразняк,
(Прабач мне Божа)
Тады й дыплом не дапаможа.