Мы спаць кладземся і...
а ранак ці настане?
А новы дзень?
А ночы?
Ранкі?
Дні?..
А нам бы з вамі
жыць і жыць, зямляне,
А нам бы з вамі
не згарэць ў агні.
А нам бы нас любіць...
О вы, хімеры-мары!
Жыццё ж на справе —
без крыві ні дня.
Тэракты, войнаў новыя пажары,
Забойствы, жорсткасць,
недавер, грызня.
І стала на зямлі
ад могільнікаў цесна,
На ўсе праблемы ёсць адзін адказ —
Адклаўшы жорсткасць,
выжываць сумесна?
Альбо — самазнішчэння крыж на нас?