Жыццю не абмінуць варожасць смерці
І гэта —
Многіх прыжыццёвы страх.
І ўсё ж
У бессмяротнасць душаў верце,
Душа — ў святую вечнасць,
Цела — ў прах.
Душа —
Наш скрыты код пасляжыццёвы,
У ім —
Наш генетычны шыфр-сакрэт.
Ён, гэты код,
У нейкім часе новым
Больш дасканалы з’явіцца на свет.
Мы вернемся
У новы свет калісьці,
Як з выраю вясною жураўлі.
Мы вернемся —
І зробім шмат карысці
Жыццю,
Дзяржаве,
Людзям і зямлі.