Месяц разжыўся
На хмарку-папаху —
Заганарыўся
I адхіліўся
Ад Млечнага Шляху.
Там, на Парнасе,
На свет-відавоку,
Ён у папасе
He плех лысабокі.
Што за аблічча!
Hi плех, і ні рогі.
Грэшна не збіцца
З Млечнай дарогі
Зоркі з хлапчыны
Вочак не зводзяць.
Зоркі-дзяўчынкі
З ім карагодзяць.
Ён незвычайны,
Ён кучаравы!
Кружаць адчайна
Танцы-забавы.
Вецер на танцы
Дзьмухнуў з размаху,
Зняў з ашуканца
Хмарку-папаху.
Зорачкі ў ночы
Крыўду адчулі:
Ён жа нам вочы
Плехам намуліў.