Блакітная спадніца,
боты, хустачка,
Прыветлівасць струменіцца з вачэй —
Ідзе на ферму
ранкам беларусачка,
Спяшаецца даіць кароў хутчэй
Яна даільных апаратаў лінію
Уключыць па-майстэрску,
са смяшком.
Кароўкі са сваёю гаспадыняю
Дзяліцца рады
цёплым малаком.
Хоць праца беларусачкі нябачная
Для гараджан —
у тым няма бяды.
Яны ухваляць:
— Ах, якое смачнае
У нашых крамах
малачко заўжды!