Каб штосьці даць —
патрэбна штосьці мець.
Вось запавет,
найпершы для паэта.
Бо нават птушачка
не будзе пець
«З пустой душы» —
і трэба помніць гэта.
Але і тут
галоўны ёсць сакрэт,
Разгадка, што заўсёды хвалявала.
І трэба творцу
помніць запавет:
«Каб штосьці даць...»
Не! «Штосьці» — гэта мала.
Калі сябе аддаць —
аддаць ўсяго,
Калі душу у вершах —
без астатку.
Паэт жыве і піша для таго,
Каб ўсё аддаўшы —
пачынаць спачатку.